البارحه قلبي مـن الهـم ملهـود
والعين يااخواني تزايـد هملهـا
بأسباب دنياً شيبت راس مولـود
دنياً مع الطيـب خبيـثٍ عملهـا
أنا مشيت الدرب والدرب مسدود
وأنا شكيت الهم والنـاس دلهـا
وأنا سهرت الليل والعالم رقـود
وأنا عرفت من المصايـب جللها
الحال مني ناحـل كنـه العـود
نحل..محل..وإن حلّ حال نحلها
حتى الرفيق اللي به الظهر مشدود
دنياه مثلـي بيّنـت لـه خملهـا
ياوين أزيده هم مع همـه يـزود
أدري بحاله يوم غيـري جهلهـا
ياكبر حظ اللي كلا جسمه الـدود
أرتاح من دنيا العنا ومن أهلهـا
ياقلّة الحيله غدا الحيـل مهـدود
والنار ياحالـي تواقـد شعلهـا
الصبر طال وتالي الصبر محمود
باصبر وباصبر لين ياتـي حللها
ـــــــــــــــــــــــــــــــــــــــــــــــــــــــــ
التصنيفات : غير مصنف |
